Quannu la Santa Matri caminava

Passione Palermitana

Quannu la Santa Matri caminava
lu duci figgi so circannu ia
Lu Sangu Santu la via ‘cci ‘mparava
ca ppi li strati spargiutu l’avia.

Un pocu arrassu la trumma sunava
Maria appressu a la trumma si ‘nni ia
Ha scuntratu ‘na donna pi la strata
idd’era la Vironica chiamata.

Maria si vota affritta e scunsulata
“Tu donna hai vistu a me figgi passari
Vistutu cu na vesta lavurata,
beddu ca nuddu cci po’ assimigghiari?”

“Io unu n’aiu vistu pi la strata,
unu ‘nchiaiatu mi vuss’incuntrari
La facci cu stu velu ci haiu striatu,
e lu su velu m’arristau stampatu”.

“Si tu canusci lu to figgi amatu
guarda stu velu chi a la testa portu”
Maria quannu lu velu ha risguardatu,
cunsidirati vui lu so scunfortu.

Lu santu velu ‘mmanu lu tinia,
la Santa passioni cuntimplava,
cuntimplannu l’affritta Maria,
un pocu arrassu la trumma sunava.

“Viiu viniri na cavallaria,
viiu accustari timiraria genti,
cusà s’iddu è me figgi, amara mia!
Ca fu pigghiatu, e nun sacciu nenti”.
E lacrimannu a li Judei dicia:
“Cu è st’omu chi pati sti turmenti?”
Un tirannu di chiddi s’ha ccustatu
e li capiddi a Maria cc’ha tiratu.
“E tu chi si la Matri la ‘nnuccenti
e tu chi si la Matri scillirata
‘nta menti tu ‘n ci sai li mancamenti ,
arrassu Matri foddi e sdisinzata”.
“Cari fratelli mei nun sacciu nenti,
iu sugnu la so Matri addulurata
Sciugghitimillu pi pietà a sguardari
me figgi è mortu e cchiù nun so campari”.
Di cruci lu scinneru e fu un grann’omu,
e fu Giuseppe di l’Arimatia
Misu ‘nta un bianchissimo linzolu
lu purtaru a li vrazza di Maria.
“pi mia lu suli e la luna scurau,
pi mia mi manca la forza e la lena.
Lena nun haiu cchiù, figgi ‘nnuccenti,
ca ti chiancissi piatusamenti”

Passione Palermitana interpretata dagli Zafra

 


GUTE-URLS

Wordpress is loading infos from clicart

Please wait for API server guteurls.de to collect data from
www.clicart.it/giacomo/Displa...